រូបថត៖ អនឃួន សំអូន
ភ្នំពេញ ៖ នាយឧត្តមសេនីយ៍ វង្ស ពិសេន អគ្គមេបញ្ជាការនៃកងយោធពលខេមរភូមិន្ទ បានអនុញាតឱ្យលោក វរនាវីឯក ហ្វ្រេដេរិក ដូម៉ាស អនុព័ន្ធយោធាបារាំងប្រចាំកម្ពុជា ដែលមាននិវេស្សន ដ្ឋាន នៅទីក្រុងហាណូយ ប្រទេសវៀតណាម ចូលជួបសំដែងការគួរសម និងពិភា ក្សាការងារ នៅព្រឹកថ្ងៃទី០៩ ខែកុម្ភៈ ឆ្នាំ២០២២ នាអគ្គ បញ្ជាការដ្ឋាន។ នៅក្នុងឱកាសនោះ លោក វរនាវីឯក ហ្វ្រេដេរិក ដូម៉ាស បានសំដែងការកោតសរសើរ និង វាយតម្លៃខ្ពស់ ចំពោះកិច្ចខិតខំរបស់កងយោធពលខេម រភូមិន្ទ នៅក្នុងការបញ្ជូនកង ទ័ពមួកខៀវកម្ពុជាទៅចូលរួមបេសកកម្មថែរក្សាសន្តិភាពក្នុងក្របខ័ណ្ឌអង្គការសហប្រ ជាជាតិ ដែលបេសកកម្មទាំង នោះ ភាគច្រើននៅតំបន់ប្រើ ប្រាស់ភាសាបារាំង ហើយកង ទ័ពមួកខៀវកម្ពុជាអាចប្រើ ប្រាស់ភាសាបារាំងបានល្អ។ លោក វរនាវីឯក ហ្វ្រេដេរិក ដូម៉ាស បានបញ្ជាក់ថា កន្លង មកនេះកងទ័ពបារាំងមានតួនាទីសំខាន់ នៅក្នុងការជួយបណ្ដុះបណ្ដាលដល់កងយោ ធពលខេមរភូមិន្ទ ពិសេសលើផ្នែកភាសាបារាំង ហើយនៅ ក្នុងរយៈពេលប៉ុន្មានឆ្នាំខាង មុខនេះ លោកសង្ឃឹមថាកងទ័ពប្រទេសទាំងពីរនឹងធ្វើឱ្យមានការអភិវឌ្ឍ និងកិច្ចសហប្រតិបត្តិការល្អប្រសើរថែមទៀត។ ក្នុងកិច្ចឆ្លើយតប នាយឧត្តម សេនីយ៍ វង្ស ពិសេន បានសំដែងនូវការស្វាគមន៍ចំពោះការមកបំពេញបេសកកម្មកាទូតនៅកម្ពុជារបស់លោក វរនាវីឯក ហ្វ្រេដេរិក ដូម៉ាស ព្រមទាំងបានលើកឡើងជុំវិញការដឹកនាំរបស់រាជរដ្ឋាភិបាលកម្ពុជា នៅក្នុងការទប់ស្កាត់ការឆ្លងរីករាលដាលជំងឺកូវីដ-១៩ រហូតធ្វើឱ្យមានសភាពធូរស្រាលមកដល់បច្ចុប្បន្ន។ ពាក់ព័ន្ធដល់ទំនាក់ទំនងរវាងប្រទេសទាំងពីរ នាយឧត្តមសេនីយ៍ វង្សពិសេន បានគូសបញ្ជាក់ពីការជួយជ្រោមជ្រែងរបស់ប្រទេសបារាំងដល់កម្ពុជា ពិសេសនៅក្នុងការជួយសម្រប សម្រួលបញ្ហាសង្រ្គាមស៊ីវិលនៅកម្ពុជា ហើយឈានដល់ការចុះហត្ថលេខាកិច្ចព្រម ព្រៀងសន្តិភាពនៅទីក្រុងប៉ារីស ថ្ងៃទី២៣ ខែតុលា ឆ្នាំ១៩៩១។ នាយឧត្តមសេនីយ៍បន្តថា នៅឆ្នាំ១៩៩៤ ប្រទេសបារាំងបានជួយដល់កងយោធពលខេមរភូមិន្ទ ក្នុងការកសាងធន ធានមនុស្ស ការផ្ដល់សម្ភារៈ ថវិកា និងមធ្យោបាយផ្សេងៗផងដែរ។ នាយឧត្តមសេនីយ៍ អគ្គ បញ្ជាការ សង្ឃឹមថា បន្ទាប់ពីស្ថានភាពជំងឺកូវីដ-១៩បានធូរស្រាល កងទ័ពប្រទេសទាំងពីរនឹងបន្ត
ភ្នំពេញ៖ ថ្លែងក្នុងឱកាសធ្វើសន្និបាតបូកសរុបការងារប្រចាំឆ្នាំ២០២១ និងលើកទិសដៅឆ្នាំ២០២២-២០២៣ និងសិក្ខាសាលាថ្នាក់ជាតិស្ដីពី អភិបាលកិច្ចល្អ នៃការគ្រប់ គ្រងព្រឹត្តិការណ៍ SEA Games-ASEAN Para Games ឆ្នាំ២០២៣ នៅព្រឹកថ្ងៃទី០៩ខែកុម្ភៈនេះ ឯកឧត្ដមបណ្ឌិត ថោង ខុន រដ្ឋមន្រ្តីក្រសួងទេសចរណ៍ និងជាអនុប្រធានអចិន្ត្រៃយ៍ CAM SOC បានមានប្រសាសន៍បង្ហាញពីគោលបំណងសំខាន់ៗចំនួន ៦ ចំណុច។ គោលបំណងសំខាន់ៗទាំង ៦ចំនុចនេះ មានដូចជា ១.ការយល់ដឹងពីវឌ្ឍនភាពការងារ និងទិសដៅបន្តរបស់ CAMSOC រហូតដល់ព្រឹត្តិការណ៍ SEA Games- ASEAN Para Games ឆ្នាំ២០២៣។ ២.បញ្រ្ជាបការយល់ដឹងស្ដីពី តួនាទី ភារកិច្ចស្នូល និងភារកិច្ចសហការរបស់គណៈកម្មការជំនាញនីមួយៗ ព្រមទាំងកំណត់ប្រតិទិនការងារសំខាន់ៗមួយចំនួនបន្ថែមទៀត។ ៣.បញ្រ្ជាបការយល់ដឹងស្ដីពី រដ្ឋបាលកិច្ចផ្ទៃក្នុង និងយន្ត ការជំនាញ របស់គណៈកម្ម ការជំនាញនីមួយៗ។ ៤.ស្វែងរកដំណោះស្រាយបញ្ហាប្រឈម ឬកង្វល់នានា ដែលនៅសេសសល់ឱ្យបានទាន់ពេលវេលា។ ៥.ពង្រឹងតម្លាភាព គណនេយ្យភាព និងអភិបាលកិច្ចល្អ ក្នុងការគ្រប់ គ្រង ព្រឹត្តិការណ៍ប្រកួត SEA Games- ASEAN Para Games ឆ្នាំ២០២៣ និង ៦.ការដាក់ចេញនូវក្រមប្រតិបត្តិ និងក្រមសីលធម៌របស់ CAMSOC ដើម្បីធានាប្រសិទ្ធភាពបន្ថែមក្នុងការងាររៀបចំ SEA Games – ASEAN Para Games ឆ្នាំ២០២៣ ឱ្យទទួលបានជោគជ័យ។ ឯកឧត្ដម អនុប្រធានអចិន្ត្រៃយ៍ CAMSOC បានបន្ថែមថា គោលបំណង៦ ចំណុចដែលបានលើកឡើង នេះ ទាក់ទងការទទួលបានចំណេះដឹងដែលផ្អែកតាមរយៈសិក្ខាសាលានេះផងដែរ ក្រុមការងារ នឹងទទួលបាននូវចំណេះដឹងថ្មីៗ បទពិសោធល្អៗទុកជាធាតុយ៉ាងសំខាន់ សម្រាប់ប្រើប្រាស់ធនធានសរុប កម្លាំងសរុប ដើម្បីឆ្ពោះ ទៅរកប្រសិទ្ធភាពការងាររបស់ CAMSOC នឹងបញ្ជូនខ្លឹមសារសំខាន់ៗមួយចំនួនដល់អង្គសន្និបាត ស្ដីពីទស្សនាទាននៃព្រឹត្តិការណ៍ SEA Games -ASEAN Para Games ឆ្នាំ២០២៣ និងការថែរក្សាកម្មសិទ្ធិបញ្ញារបស់ CAMSOC។ ស្ថានភាពអភិវឌ្ឍន៍បច្ចេក ទេសកីឡា និងត្រៀមជ្រើស រើសប្រភេទកីឡាឱ្យបានរួច រាល់ទាន់ពេលវេលា។ ក្រមប្រតិបត្តិ និងក្រមសីលធម៌ នឹងត្រូវដាក់បង្ហាញពីខ្លឹមសារ ព្រមទាំងអត្ថន័យ ដែលត្រូវគោរពប្រតិបត្តិទាំងអស់គ្នា។ ការរៀបចំទីលានបច្ចេកទេសសម្រាប់គ្រប់ទីលានប្រកួត ដើម្បីឈានទៅរកការរៀបចំទីលានប្រកួតឱ្យបានរួចរាល់តាមប្រតិទិន ដែលបានកំណត់ច្បាស់លាស់។ ការដាក់ចេញនូវផែនការយុទ្ធសាស្រ្តសន្សំសំចៃ (Saving Games) ដើម្បីឱ្យក្រសួង ស្ថាប័ន អង្គភាព រាជធានី- ខេត្តចូលរួមអនុវត្តឱ្យមានប្រ សិទ្ធភាព និងការរៀបចំ ASEAN Para Games ឱ្យបានត្រឹមត្រូវតាមទស្សនាទាន ជនពិការ និងតាមយន្តការពិសេស ដោយឡែកសម្រាប់កីឡាករ-កីឡាការិនីជនពិការ ។ សូមរំលឹកថា ឯកឧត្ដមបណ្ឌិត ថោង ខុន ត្រូវបានតែងតាំងជាសហប្រធានក្រុមប្រឹក្សាកីឡាអាស៊ីអាគ្នេយ៍ ជាផ្លូវការហើយ សម្រាប់ដឹកនាំ និងរៀបចំការ ប្រកួតកីឡាស៊ីហ្គេម លើកទី ៣២ ឆ្នាំ២០២៣នៅកម្ពុជា។
ភ្នំពេញ ៖ ឯកឧត្តម ទេសរដ្ឋមន្ដ្រី ស៊ុន ចាន់ថុល រដ្ឋមន្ដ្រីក្រសួងសាធារណការ និងដឹកជញ្ជូន បានឱ្យដឹងថា ក្រសួងគ្រោងនឹងផលិតស្ពតអប់រំពីការពន្យល់ណែនាំ ការប្រើប្រាស់ផ្លូវល្បឿនលឿន ខណៈដែលផ្លូវល្បឿនលឿនពី រាជធានីភ្នំពេញ-ទៅខេត្តព្រះសីហនុ នឹងដាក់ឱ្យប្រើប្រាស់សាកល្បងជាបណ្ដោះអាសន្ន នៅខែកក្កដា ឆ្នាំ២០២២ ខាងមុខនេះ ដើម្បីសម្រួលដល់កាធ្វើដំណើររបស់ប្រជាពលរដ្ឋ ភ្ញៀវទេសចរ និងការដឹកជញ្ជូនទំនិញ។ អ្នកយកព័ត៌មានយើងធ្វើសេចក្តីរាយការណ៍បន្ថែម ៖.... ថ្លែងក្នុងកិច្ចប្រជុំបូកសរុបលទ្ធផលការងារសុវត្ថិភាពចរាចរណ៍ផ្លូវគោក ប្រចាំឆ្នាំ ២០២១ និងលើកទិសដៅការងារឆ្នាំ២០២២ របស់គណៈកម្មាធិការជាតិសុវត្ថិ ភាពចរាចរណ៍ផ្លូវគោក នៅថ្ងៃទី០៩ ខែកុម្ភៈ ឆ្នាំ២០២២ នេះ ឯកឧត្តម ទេសរដ្ឋមន្ត្រី បានមានប្រសាសន៍ថា គម្រោងសាងសង់ផ្លូវល្បឿនលឿនភ្នំពេញ-ក្រុងព្រះសីហនុ មានប្រវែងសរុបជាង១៩០ គីឡូម៉ែត្រ តភ្ជាប់ពីភូមិ១ សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ដល់ភូមិ១ សង្កាត់លេខ៣ ក្រុងព្រះសីហនុ គ្រោងនឹងបញ្ចប់ការសាងសង់នៅខែកញ្ញា ឆ្នាំ២០២២ ព្រម ទាំងដាក់ឱ្យប្រើប្រាស់ជាផ្លូវ ការតែម្តង។ ឯកឧត្តមទេសរដ្ឋមន្ដ្រី បានបន្តថា ការដាក់ឱ្យដំណើរការផ្លូវល្បឿនលឿន ជាបណ្តោះ អាសន្ននេះ ស្របពេលដែលក្រសួងចាប់ផ្តើមបើកការដ្ឋានពង្រីកទំហំផ្លូវជាតិលេខ៤ពីភ្នំពេញ ទៅខេត្តព្រះសីហនុ ពី៧ម៉ែត្រ ទៅ១៤ម៉ែត្រផងដែរ ។ ឯកឧត្តមទេសរដ្ឋមន្ដ្រី បានបញ្ជាក់ថា ជាមួយនឹងការដាក់ឱ្យប្រើប្រាស់ផ្លូវល្បឿនលឿននេះ ក្រសួងនឹងផលិតស្ពតអប់រំពន្យល់ណែនាំ ពីការប្រើប្រាស់ផ្លូវល្បឿនលឿន ដោយ សារតែប្រជាពលរដ្ឋកម្ពុជាមួយចំនួន មិនទាន់យល់ច្បាស់ពីការប្រើប្រាស់ផ្លូវល្បឿនលឿននៅឡើយ។ បន្ថែមពីនោះទៀត ផ្លូវនេះនឹងមិនអនុញ្ញាតឱ្យម៉ូតូតូច និងរថយន្តដែលបើកបរក្នុងល្បឿនយឺត៣០គីឡូម៉ែត្រក្នុងមួយម៉ោងបើកបរនោះទេ។ សំឡេង « អ៊ីចឹងយើងខ្ញុំនឹងខិតខំប្រឹងប្រែងជាមួយគណៈ កម្មាធិការជាតិសុវត្ថិភាពចរាចរណ៍ផ្លូវគោកខិតខំធ្វើ ស្ពតណែនាំ ឱ្យគាត់យល់អំពីការជិះលើផ្លូវល្បឿនលឿន។ មិនអាចជិះលើផ្លូវគេឱ្យបើកល្បឿន១១០ឬ១២០គីឡូម៉ែត្រ មកបើក២០ឬ៣០ គីឡូ ម៉ែត្រក្នុងមួយម៉ោងបានទេ » សូមបញ្ជាក់ថា ផ្លូវល្បឿនលឿនពីភ្នំពេញ ទៅក្រុងព្រះ សីហនុ ត្រូវបានបើកការដ្ឋានសាងសង់ កាលពីថ្ងៃទី២២ ខែមីនា ឆ្នាំ២០១៩ ក្រោមអធិបតីភាពសម្តេចតេជោហ៊ុនសែន នាយករដ្ឋមន្រ្តីនៃព្រះរា ជាណាចក្រកកម្ពុជា ។គម្រោងផ្លូវល្បឿនលឿននេះ មានប្រវែងសរុបជាង១៩០គីឡូ ម៉ែត្រ តភ្ជាប់ពីភូមិ១ សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ដល់ភូមិ១ សង្កាត់លេខ៣ ក្រុងព្រះសីហនុ ។តាមគម្រោង ផ្លូវល្បឿនលឿននេះ មានទទឹងតួផ្លូវ២៤,៥ម៉ែត្រ និងក្រាលបេតុងកៅស៊ូ(AC)កម្រាស់ ១០សង់ទីម៉ែត្រ ដោយគន្លងផ្លូវធ្វើចរាចរចែកជា៤គន្លង (២គន្លងទៅ ២គន្លងមក) ដែលអនុញ្ញាតឱ្យយានយន្តគ្រប់ប្រភេទ អាចបើកបរក្នុងល្បឿនរហូតដល់១០០ គីឡូ ម៉ែត្រ ក្នុងមួយម៉ោង និងកន្លែងខ្លះអាចបើកបរ ក្នុងល្បឿនដល់១២០គីឡូម៉ែត្រ ក្នុងមួយម៉ោង៕
ខេត្តកំពង់ចាម: នៅព្រឹកថ្ងៃទី០៨ ខែតុលា ឆ្នាំ២០២១ លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម បានចូលរួមកិច្ចប្រជុំពេញអង្គគណ:រដ្ឋមន្រ្តី ក្រោមអធិបតីភាព ដ៍ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា តាមរយ:ប្រព័ន្ធបញ្ជូនរូបភាពនិងសំឡេង (Video Conference)នៅបន្ទប់Video Conference នៅសាលាខេត្តកំពង់ចាម ។
១-សេចក្តីព្រាងច្បាប់ធម្មនុញ្ញ ស្តីពីវិសោធនកម្មមាត្រា១៩ថ្មី មាត្រា៨២ថ្មី មាត្រា១០៦ថ្មី(មួយ) មាត្រា១១៩ថ្មី និងមាត្រា១៣៧ថ្មី នៃរដ្ឋធម្មនុញ្ញនៃព្រះរាជាណាចក្រកម្ពុជា និងមាត្រា៣ នៃច្បាប់ធម្មនុញ្ញបន្ថែមសំដៅធានានូវដំណើរការជាប្រក្រតីនៃស្ថាប័នជាតិ
២-សេចក្តីព្រាងច្បាប់ស្តីពីភាពជាដៃគូរវាងរដ្ឋ និងឯកជន
៣-សេចក្តីព្រាងកម្មវិធីវិនិយោគសាធារណៈ៣ឆ្នាំរំកិល២០២២-២០២៤
៤-បញ្ហាផ្សេងៗ សំណើសុំការយល់ព្រមពីគណៈរដ្ឋមន្រ្តី ដើម្បីសុំការអនុម័តពីស្ថាប័ននីតិប្បញ្ញត្តិលើសេចក្តីព្រាងច្បាប់ស្តីពីការអនុម័តយល់ព្រមលើ កិច្ចព្រមព្រៀងបន្ថែមទៅលើកិច្ចព្រមព្រៀងរវាងរាជរដ្ឋាភិបាលកម្ពុជា និងអង្គការសហប្រជាជាតិទាក់ទងទៅនឹងការកាត់សេចក្តីនៅក្រោមច្បាប់កម្ពុជានូវឧក្រិដ្ឋកម្មដែលប្រព្រឹតឡើងនៅក្នុងរយៈកាលនៃកម្ពុជាប្រជាធិបតេយ្យ ស្តីពីការរៀបចំក្នុងពេលអន្តរកាល និងការបញ្ចប់ការងាររបស់អង្គជំនុំជម្រះវិសាមញ្ញ ។
កិច្ចប្រជុំនេះដែរមានការអញ្ជេីញចូលរួមពីសំណាក់៖ លោក អ៊ុន ចាន់ដា អភិបាលនៃគណៈអភិបាលខេត្តកំពង់ចាម លោក ខ្លូត ផន ប្រធានក្រុមប្រឹក្សាខេត្ត អមដោយលោក លោកស្រីជាអភិបាលរងខេត្ត កងកម្លាំងទាំងបីប្រភេទ លោកនាយករដ្ឋបាលសាលាខេត្ត និងលោកស្រីប្រធានមន្ទីរព័ត៌មាន និងមន្រ្តីថ្នាក់ខេត្តជាច្រេីនរូបផ្សេងទៀត ៕
ដោយ, អ្នកប្រមាញ់
កំពង់ឆ្នាំង៖ នាព្រឹកថ្ងៃអង្គារ ៧រោច ខែភទ្របទ ឆ្នាំឆ្លូវ ត្រីស័ក ព.ស ២៦៦៥ ត្រូវនឹងថ្ងៃទី២៨ ខែកញ្ញា ឆ្នាំ២០២១នេះ ឯកឧត្តម ស សុខា រដ្ឋាលេខាធិការក្រសួងអប់រំ យុវជន និងកីឡា និងលោកជំទាវ កែ សួនសុភី ព្រមទាំងបុត្រ បានចាត់ឱ្យក្រុមការងារនាំយកទេយ្យវត្ថុមកប្រគេនដល់ព្រះមុនីសីលវង្សា ខុន ឆុន ព្រះរាជាគណថ្នាក់កិត្តិយស ទីប្រឹក្សាផ្ទាល់សម្តេចព្រះអគ្គមហាសង្ឃរាជាធិបតីកិត្តិឧទ្ទេសបណ្ឌិត ទេព វង្ស សម្តេចព្រះមហាសង្ឃរាជ នៃព្រះរាជាណាចក្រកម្ពុជា និងជាព្រះគ្រូចៅអធិការវត្តវារីផាសុខារាម ហៅវត្តទឹកជុំ ឃុំអភិវឌ្ឍន៏ ស្រុកទឹកផុស ខេត្តកំពង់ឆ្នាំង។
ទេយ្យវត្ថុ រួមមាន៖ អង្ករចំនួន ៥ប៉ាវ (សរុប២៥០គីឡូក្រាម), មី៥កេសធំ, ត្រីខ ៥កេសធំ, ទឹកសុទ្ធ១០កេស, ទឹកក្រូច១០កេស, សាដក១១, កន្ក្រកផ្លែឈើ១១, បាយបិត្បូរ១១, ថ្នាំចិនលៀងហ័រឈិងវិន២០០ប្រអប់, ឧបការណ៍តេស្តរហ័ស២ប្រអប់, ចង្ហាន់ពេលព្រឹក១៥ឈុត, ចង្ហាន់ថ្ងៃត្រង់១៥ឈុត និងបច្ច័យមួយចំនួន។
ព្រះមុនីសីលវង្សា ខុន ឆុន សូមប្រសិទ្ធីពរជ័យ សិរីមហាមង្គលបុណ្យបារមី វត្ថុស័ក្កសិទ្ធ អ្នកមានរិទ្ធិ បារមី លោកឪ ព្រះមហាថេរ បុញ្ញានន្ទោ. សម បុណ្យសាន្ត បារមី លោកឪ សួង. បារមីលោកឪ ស៊ីវ សេង លោកឳសេន ជួយទ្រទ្រង់ បីបាច់អភិបាលរក្សា ការពារ ឯកឧត្តម និង លោកជំទាវ ព្រមទាំងក្រុមគ្រួសារ ទទួលបានសេចក្តីសុខ សេចក្តីចម្រើន មានព្រះសុខភាពល្អ កាយពលមាំមួន ព្រះជន្មាយឺន ជ័យជំនៈគ្រប់ភារៈកិច្ច និងជួបពុទ្ធពរ ៤ ប្រការគឺ អាយុ វណ្ណ: សុខ ពល កុំបីឃ្លៀងឃ្លាតឡើយ ៕ ដោយ៖ មន្ទីរព័ត៌មានខេត្តកំពង់ឆ្នាំង សម្រួលផ្សាយដោយ៖ ធូ កុសល
.j.jpg)
